Kinematografiya agentligi bosh direktoriga jarima jazosi tayinlandi
Bugun, 21-fevral kuni, jinoyat ishlari bo‘yicha Chilonzor tuman sudida Kinematografiya agentligi bosh direktori Firdavs Abduxoliqovga oid ma’muriy huquqbuzarlik to‘g‘risidagi ishni ko‘rib chiqish bo‘yicha sud jarayoni nihoyasiga yetib, sud qarori e’lon qilindi.
Sud qaroriga ko‘ra F.Abduxoliqov Ma’muriy javobgarlik to‘g‘risidagi kodeksning 175-8-moddasi (davlat xaridlari to‘g‘risidagi qonunchilikni buzish) 4-qismida nazarda tutilgan ma’muriy huquqbuzarlikni sodir etgan deb topilib, unga bazaviy hisoblash miqdorining 30 baravari miqdorida jarima jazosi tayinlandi.
Ushbu qaror ustidan Ma’muriy javobgarlik to‘g‘risidagi kodeksda belgilangan tartib va muddatda apellyasiya shikoyati yoki protest berish mumkinligi ma’lum qilingan.
Eslatib o‘tamiz, avvalroq Kinematografiya agentligi tomonidan qonun buzilishi holatlarini aniqlangani haqida xabar berilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter