Ukraina rasmiylari o‘tgan bahorda Rossiya bilan muzokara qilishdan bosh tortdi, Moskva tinchlik shartnomasi shartlarini muhokama qilishga tayyor bo‘lgan, endi esa muzokaralar taqdiri Kiyevga bog‘liq, dedi prezident Vladimir Putin Afrika yetakchilari bilan uchrashuvda.

Uning ta’kidlashicha, Rossiya Ukraina atrofidagi vaziyatni tinch yo‘l bilan hal qilish yo‘llarini izlashga tayyor.

«Qo‘shinlarimiz Kiyev yaqinidan olib chiqib ketilganidan so‘ng ham Ukraina rasmiylari avvalgi barcha kelishuvlardan voz kechdi <...>. Shunday ekan, yurish navbati to‘liq ular tomonida ekanligiga ishonaman», — dedi Putin.

Biroq Rossiya rahbari tomonlar harakat qilayotgan kelishuv shartlarini oshkor qilmasligini aytdi. Shu bilan birga, uning so‘zlariga ko‘ra, davlatning neytral maqomi Ukrainaning mustaqilligini e’lon qilishda belgilab qo‘yilgan, bu Rossiya uchun muhim ahamiyatga ega, chunki bu uning manfaatlariga tub tahdid soladi.

Moskva Ukrainada tinchlikka erishish bo‘yicha Afrika davlatlari tomonidan ishlab chiqilgan takliflarni diqqat bilan o‘rganib chiqdi, deya qo‘shimcha qildi Putin. Uning ishontirishicha, Rossiya Afrika davlatlarining mojaroga yechim topishdagi muvozanatli yondashuvini va ularning «Rossiyaga qarshi kampaniya»ni qo‘llab-quvvatlashdan bosh tortishini qadrlaydi. U afrikaliklarning g‘oyalarini «juda jiddiy va ehtiyotkorlik bilan» qabul qilishga va’da berdi.

«O‘z navbatida, biz hech qachon muzokaralardan bosh tortganimiz yo‘q, muloqotni davom ettirishga tayyor ekanligimizni hamisha aytganmiz», — dedi Putin.

Ukraina prezidenti Vladimir Zelenskiy Rossiya prezidenti Vladimir Putin bilan muzokara olib borishi mumkin emasligi haqida farmon imzolagandi.

«Bizning davlatimiz doimo Rossiyaga teng, halol, munosib va adolatli sharoitlarda birga yashashga kelishib olishni taklif qilgan. Shubhasiz, bu Rossiya prezidenti bilan bu mumkin emas. U qadr-qimmat va halollik nimaligini bilmaydi», — degandi Zelenskiy.