Qoraqalpog‘istonda avtobus va yuk mashinasi to‘qnashuvida qurbonlar bo‘ldi
Qoraqalpog‘istonda avtobus va «Gaz-5312» ishtirokida fojiali YTH sodir bo‘ldi. Bu haqda «Yangi Davr» informatsion dasturida ma’lum qilindi.
Qayd etilishicha, Qoraqalpog‘istonning Kegeyli tumanida Nukus shahri tomon harakatlanayotgan avtobusga «Gaz-5312» yuk mashinasi kelib urilgan.
YTH oqibatida bir kishi voqea joyida, yana biri shifoxonada vafot etgan. Og‘ir tan jarohati olgan uchinchi shaxs shifoxonada muolaja qilinmoqda.
Lavhada «Gaz-5312» yuk mashinasi mavsumiy texnik ko‘rikdan o‘tmagani aniqlangani aytiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter