Rossiya Ukrainada dahshatli yo‘qotishlarga uchragani ma’lum qilindi
![Rossiya Ukrainada dahshatli yo‘qotishlarga uchragani ma’lum qilindi](https://xabar.uz/static/crop/3/4/920__95_3447125180.jpg)
Hujumlar to‘lqini tufayli Ukrainada halok bo‘lgan rus askarlari soni ortib bormoqda. Mart oyidagi Rossiya yo‘qotishlari haqida ma’lum qilindi.
Ochiq manbalarga asoslanib, BBC va Mediazona nashri ko‘ngillilar jamoasi bilan birgalikda 2022 yilning fevral oyidan beri Ukrainadagi urushda halok bo‘lgan 46 678 nafar rossiyalik harbiyning ismlarini aniqlashga muvaffaq bo‘ldi.
Oxirgi ikki hafta ichida yana 1555 kishi halok bo‘lgani tasdiqlandi, bu urushning barcha oylaridagi eng yuqori ko‘rsatkichlardan biridir.
Rossiya jangovar yo‘qotishlarining hozirgi dinamikasini o‘tgan qishda Donbassdagi rus kuchlarining keng ko‘lamli hujumi paytida qayd etgan raqamlar bilan solishtirish mumkin. O‘shanda, masalan, fevral oyining 2 haftasida 1679 kishining o‘limi tasdiqlangan bo‘lsa, hozir – biroz kamroq.
Harbiylarning o‘limi haqidagi xabarlar ko‘pincha qarindoshlarga kechikib kelganligi sababli, qayd etgan yo‘qotishlarning ko‘payishi qisman Avdiyevkaga qilingan hujum oqibatlari bilan bog‘liq.
Ammo, shuningdek, Donetsk va Lugansk viloyatlarida rus kuchlarining hujumini rivojlantirishga urinishlar bilan bog‘liq keyingi yo‘qotishlar ham bor.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter