Ruminiyada NATOning Yevropadagi eng yirik bazasi qurilishi boshlandi
![Ruminiyada NATOning Yevropadagi eng yirik bazasi qurilishi boshlandi](https://xabar.uz/static/crop/5/0/920__95_50065574.jpg)
Ruminiyada NATOning Yevropadagi eng yirik bazasi qurilishi boshlandi. Qurilish qiymati €2,5 milliardni tashkil etadi, deb xabar berdi Euronews.
Baza hududi 2,8 ming gektar bo‘lib, Konstansa uyezdida joylashadi, uning yaqinida Qora dengiz bo‘yidagi rumin porti ham bor. «Amerika aviabazasi joylashadigan bu hudud 2,5 mlrd yevro qiymatidagi davlat investitsiyalari kiritilgach, chinakam shaharchaga aylanadi», — deb xabar berdi telekanal.
Loyiha uchish-qo‘nish yo‘laklari, qurol-aslaha platformalari, harbiy samolyotlar uchun angarlardan tashqari, maktablar, bolalar bog‘chalari, do‘konlar va shifoxonalarni qurishni ham o‘z ichiga oladi.
Shimoliy Atlantika alyansi so‘nggi paytlarda sharqiy hududlariga e’tiborni kuchaytirmoqda. Ruminiyadagi tilga olingan bazada ayni paytda 5 ming nafar harbiy — asosan amerikaliklar joylashtirilgan. Qurilishdan so‘ng bu yerdagi harbiylar soni 10 ming nafarga yetib, Yevropadagi eng yirik NATO bazasiga aylanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter