Toshkent shahar IIBB ko‘chalar yopilishi bo‘yicha ogohlantirish bilan chiqdi. 

7 dekabr kuni poytaxtning Olmazor tumanida «Yangi hayot uchun, yangi O‘zbekiston uchun» shiori ostida 5000 metr ommaviy yugurish musobasi o‘tkazilishi rejalashtirilgan. Shu munosabat bilan 7 dekabr kuni soat 10:00 dan 13:00ga qadar quyida keltirilgan ko‘chalarda avtomashinalar harakati vaqtincha cheklanadi:

- TXAY-Sog‘lom avlod ko‘chalari kesishgan chorrahasidan, Sog‘lom avlod ko‘chasi bo‘ylab, Sog‘lom avlod-Shifokorlar ko‘chalari kesishgan chorrahasigacha;

- Sog‘lom avlod-Shifokorlar ko‘chalari kesishgan chorrahasidan, Shifokorlar ko‘chasi bo‘ylab, Qamarniso-Shifokorlar ko‘chalari kesishgan chorrahasigacha;

- Qamarniso-Shifokorlar ko‘chalari kesishgan chorrahasidan, Qamarniso ko‘chasi bo‘ylab, Talabalar-Qamarniso ko‘chalari kesishgan chorrahasigacha;

- Talabalar-Qamarniso ko‘chalari kesishgan chorrahasidan, Talabalar ko‘chasi bo‘ylab, KXAY-Talabalar ko‘chalari kesishgan chorrahasigacha transport vositalarining harakati vaqtincha cheklanadi. 

"Poytaxtimiz aholisi va mehmonlaridan yuzaga kelgan noqulaylik uchun uzr so‘ragan holda aylanma, yondosh ko‘chalardan harakatlanishlarini so‘rab qolamiz", deyiladi xabarda.