Vazirlik "Open budjet"ga ovoz berish bilan bog‘liq firibgarlikdan ogohlantirdi

Bosh sahifa
Jamiyat
Vazirlik "Open budjet"ga ovoz berish bilan...

Jamiyat

Vazirlik "Open budjet"ga ovoz berish bilan bog‘liq firibgarlikdan ogohlantirdi

27.08.2025 12:33 0 556

Ijtimoiy tarmoqlarda norasmiy Telegram-botlar orqali “Tashabbusli budjet”ga ovoz berish evaziga pul va’da qilinib, ko‘plab fuqarolar aldanayotgani ma’lum bo‘ldi.

So‘nggi vaqtlarda ijtimoiy tarmoqlarda norasmiy Telegram botlari orqali “Tashabbusli budjet” jarayonlarida ovoz berish evaziga pul mukofotlari taklif etish holatlari keng tarqalib, turli bahs va munozaralarga sabab bo‘lmoqda. Bu haqda Iqtisodiyot va moliya vazirligi matbuot xizmati xabar berdi.

"Va’da qilingan mablag‘lar berilmayotgani bo‘yicha fuqarolar tomonidan Iqtisodiyot va moliya vazirligiga yuzlab murojaatlar kelib tushmoqda. Uchinchi shaxslar loyihalarga ovoz to‘plash maqsadida pul mablag‘lari va’da qilgan holda fuqarolardan ovoz to‘plab, keyinchalik mukofotlarni bermasligi holatlari kuzatilmoqda", - deyiladi xabarda.

Vazirlikning eslatishicha, “Tashabbusli budjet” jarayonlarida ovoz berish faqatgina:

“Ochiq budjet” (https://openbudget.uz/home) axborot portali;

Telegramdagi rasmiy bot (https://t.me/ochiqbudjetbot);

portalning Android (https://play.google.com/store/apps/details?id=uz.minfin.open_budget);

iOS (https://apps.apple.com/uz/app/open-budget-uz/id6447674229) tizimlarida ishlovchi mobil ilovalari orqali amalga oshiriladi.

Amaldagi tartibga ko‘ra, berilgan ovozlar uchun hech qanday to‘lov talab etilmasligi bilan bir qatorda hech qanday moddiy rag‘batlantirishlar ham nazarda tutilmagan, deya qo‘shimcha qilingan xabarda.

Open budjet

Yangiliklarni telegram kanalimizda kuzatib boring

O'xshash yangiliklar