«Dunyo bo‘ylab» telekanalining 31 yoshli boshlovchisi Ramina Yagafarova vafot etdi.

Ma’lum qilinishicha, 12-sentyabr, seshanba kuni kechqurun Ramina Yagafarova Chilonzor tumanidagi xususiy klinikada davolanayotgan onasining yoniga kelgan. Jurnalist tomog‘i og‘rigani sababli o‘zining yonida bo‘lgan «Levofloksatsin» (antibiotik) dorisidan bir dona ichgan. Oradan 10-15 daqiqa o‘tib esa unda tutaqanoq kuzatilgan va hushini yo‘qotgan.

Klinika shifokorlari tomonidan ayolga birinchi yordam ko‘rsatilgan va u reanimatsiya bo‘limiga yotqizilgan, olib borilgan davo muolajalari natijasida Yagafarova hushiga kelgan, ahvoli yaxshilangan.

Biroq 13-sentyabr kuni soat 16:00 larda Yagafarovani takroran tutqanog‘i tutib, ko‘rsatilgan tibbiy muolajalarga qaramay soat 17:50 da biologik o‘lim holati qayd etilgan.

Holat yuzasidan tuman prokuraturasi tomonidan tergovga qadar tekshiruv harakatlari olib borilmoqda.

«Xabar.uz» tahririyati marhumaning oila a’zolari va yaqinlariga chuqur hamdardlik bildiradi.