“Кутилмаган ҳолат бўлди” — Қамчибек Ташиев ўз истеъфоси ҳақида
Қамчибек Ташиев ўз мурожаатида лавозимидан озод этилиши ўзи учун "кутилмаган ҳолат" бўлганини маълум қилди.
Қамчибек Ташиевнинг сўзларига кўра, у тиббий амалиётдан кейин президент рухсати билан хорижга текширувдан ўтиш учун кетган. Унинг таъкидлашича, ишдан бўшатиш қарори у учун кутилмаган бўлган. Шу билан бирга, Қамчибек Ташиев ҳар қандай ҳолатда ҳам давлат раҳбарининг қарорини бажариш зарурлигини таъкидлаган.
"Давлатимизга, халқимизга, президентимизга ҳалол хизмат қилдим ва бу билан фахрланаман. Фақат бир нарсадан афсусдаман, менга шахсий таркиб билан хайрлашиш имконияти берилмади. Миллий хавфсизлик давлат қўмитасининг ҳар бир ходимига миннатдорлик билдираман ва муваффақиятлар тилайман!" — дейилади мурожаатда.
Якунда Қамчибек Ташиев фуқароларни қонунга риоя қилишга ва ноқонуний хатти-ҳаракатларга йўл қўймасликка чақириб, мамлакатда тинчлик ва барқарорликни сақлаш муҳимлигини таъкидлаган.
Аввалоқ Қамчибек Ташиевнинг ишдан олиниши сабаби айтилганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter