Путин Украинада қанча рус аскари жанг қилаётганини айтди
Россия президенти Владимир Путин Украинадаги урушда жанг қилаётган рус қўшинларининг сонини маълум қилди. Бу ҳақда Телеграмдаги “Звезда” телеканали саҳифаси хабар берди.
Жанг зонасида 700 мингдан ортиқ аскар ва зобитлар бор, дейди Россия раҳбари Давлат Думасидаги сиёсий партиялар фракциялари раҳбарлари билан учрашувда.
18 сентябрь куни Россия қўшинларининг қўшма гуруҳига қўмондонлик қилаётган Бош штаб бошлиғи Валерий Герасимовнинг ваколат муддати беш йилга узайтирилиши мумкинлиги маълум қилинди.
Россия томони Украина уруши бошланган 2022 йил 24 февралдан буён миллиондан ошиқ йўқотишга учрагани таъкидлаб келинади. Аммо расмий Москва йўқотишлар ҳақида ҳанузгача маълумот бергани йўқ.
Ташриф билан Буюк Британияда бўлиб турган АҚШ президенти Доналд Трамп Россия катта йўқотишларга учраётгани ҳақида гапирди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter