Трамп дунёдаги энг хавфли шаҳарни тилга олди
АҚШ президенти Доналд Трамп Чикагони дунёнинг энг ёмон ва энг хавфли шаҳри, деб атади.
«Чикаго — дунёдаги энг қўрқинчли ва хавфли шаҳар. Иллинойс штати губернатори Жей Притцкер ёрдамга жуда муҳтож, аммо ўзи буни билмайди», — деб ёзди у Truth Social ижтимоий тармоғида.
АҚШ президентининг таъкидлашича, сўнгги дам олиш кунлари Чикагода камида 54 киши ўқотар қуролдан яраланган, саккиз киши ҳалок бўлган. У шаҳардаги вазият зудлик билан аралашувни талаб қилишини таъкидлаб, у ерга хавфсизликни қайтаришга ваъда берди.
«Мен Вашингтонда қилганимдек, жиноятчилик муаммосини тезда ҳал қиламан. Чикаго тез орада яна хавфсиз шаҳарга айланади», — дея хулоса қилди Трамп.
Эслатиб ўтамиз, 13 август куни Пентагоннинг 800 аскари жиноятчиликка қарши курашиш учун Вашингтонга киритилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter