Трамп: Украина бўйича келишув энди Зеленский ва Европа давлатларига боғлиқ
Трамп Путин билан учрашувидан сўнг Fox News телеканалига интервью берди.
Қўшма Штатлар президенти интервьюсида, жумладан, Украина бўйича келишувга эришиш энди Зеленский ва Европа давлатларига боғлиқлигини айтган.
«Украинада келишув бўйича келишувга эришиш имконияти энди Зеленский ва Европа давлатларига боғлиқ.
Зеленский Россия билан бўлган зиддиятда кўп нарса йўқотиши борлигини тан олиши керак», – деди Трамп.
Трамп Россияни Украинадан фарқли ўлароқ қудратли давлат деб билишини айтиб, Киевга «келишув тузишни» маслаҳат берди.
«Украинадаги можаронинг тугаши Путин учун ҳам, Зеленский учун ҳам муҳим ютуқ бўлади», – деди Трамп Путин ва Зеленский учрашувида иштирок этиши эҳтимолини истисно этмасдан.
Трампнинг айтишича, Россия унга Украина қабул қилишга рози бўлиши керак бўлган 1000 дан ортиқ украиналик ҳарбий асирлар рўйхатини ҳам тақдим этган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter