Уганда Эронга қарши урушга кирмоқчи
Уганда Қуролли кучлари раҳбари Мухузи Кайнеругаба Яқин Шарқдаги урушга доир кескин баёнот бериб, мамлакат Исроил томонида туришга тайёр эканини маълум қилди.
Унинг сўзларига кўра, агар Исроилга таҳдид кучайса ёки унга қарши «йўқ қилиш» каби чақириқлар амалий босқичга ўтса, Уганда урушга қўшилиши мумкин. Шу билан бирга, у дунё урушдан чарчаганини таъкидлаб, можарони тезроқ якунлаш тарафдори эканини ҳам айтган.
«Ўтган асрнинг 80-, 90-йилларида биз ҳеч ким бўлмаган пайтимизда Исроил бизни қўллаб-қувватлаган. Нима учун ҳозир, ялпи ички маҳсулотимиз 100 миллиард долларни ташкил этаётган бир пайтда, уни ҳимоя қилмаслигимиз керак?» – деган Мухузи Кайнеругаба.
Таҳлилчилар Уганда географик жиҳатдан Яқин Шарқдан узоқ бўлса-да, бундай чиқишлар можаронинг халқаро тус олаётганидан дарак дея баҳолашмоқда. Шу билан бирга, ҳозирча Уганданинг реал ҳарбий иштирок эҳтимоли паст деб қаралади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter