Россия президенти Владимир Путиннинг айтишича, барча қуролли можаролар музокаралар билан тугайди ва бу Киевга қанчалик тез аён бўлса, шунча яхши бўлади. Бу ҳақда у Давлат кенгаши йиғилишидан сўнг матбуотда маълум қилди.

«Барча можаролар у ёки бу тарзда музокаралар билан тугайди. Биз буни ҳеч қачон инкор қилмаганмиз. Украинанинг бу ҳукумати ўзи учун музокара қилишни тақиқлади. Бу ғайриоддий кўринади, ҳатто, мен буни жуда ғалати деб айтишим мумкин. Бу Киевга қанчалик тез аён бўлса, шунча яхши бўлади», – дейди Путин.

Владимир Путин Россия урушини узоқ давом этишини эмас, аксинча урушни тезроқ тугаши тарафдори эканлигини таъкидлади.

«Бизнинг мақсадимиз ҳарбий можаронинг ғилдирагини айлантириш эмас, аксинча урушни тугатиш. Бунга интиламиз ва бундан кейин ҳам ҳаракат қиламиз. Бунинг бажарилиши қанча тез бўлса, шунча яхши», – деди Россия раҳбари.

Бундан ташқари, Россия президенти АҚШнинг Украинага бераётган Patriot ракета тизимига қарши қурол бор эканлигини, бу фақат урушни узайтиришига сабаб бўлишини айтди.

«Patriot’га келсак, бу жуда эски тизим, айтайлик, бизнинг С-300 каби ишламайди. Аммо, шунга қарамай, бизга қарши бўлганлар бу мудофаа қуроли эканини билади. Шунчаки буни инобатга оламиз. Бу ишни беҳуда қилишяпти. Бу фақат можарони узайтириш, тамом», – дейди Владимир Путин.