Тошкентда чет эл фуқаросига носвой чектирмоқчи бўлган йигит жавобгарликка тортилди
Ижтимоий тармоқларда номаълум шахснинг чет эл фуқаросига носвой чекишни таклиф қилаётгани акс этган видео тарқалиб, кенг муҳокамаларга сабаб бўлди. Мазкур ҳолат юзасидан Тошкент шаҳар ИИББ томонидан ўтказилган текширув натижалари маълум қилинди.
Аниқланишича, жорий йилнинг 25 январь куни Чилонзор туманида жойлашган истироҳат боғларидан бирида 2006 йилда туғилган М.К. чет эл фуқаросига носвой тамаки маҳсулотини таклиф қилган, шу билан бирга уятли сўзлар ишлатиб, жамиятда юриш-туриш қоидаларини қасддан бузган.
Мазкур ҳолат бўйича Чилонзор тумани ИИО ФМБ томонидан М.К.га нисбатан Маъмурий жавобгарлик тўғрисидаги кодекснинг 183-моддаси («Майда безорилик») асосида маъмурий баённома расмийлаштирилди. Тўпланган ҳужжатлар қонуний чора кўриш учун жиноят ишлари бўйича туман судига юборилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter