220 та мактабда Ўзбекистон миллий жамоаси ўйинлари катта экранда намойиш этилади. 

Жорий йилнинг июнь-июл ойларида ўтказиладиган футбол бўйича жаҳон чемпионатида юртимиз шарафини ҳимоя қиладиган футболчиларимизни қўллаб-қувватлаш мақсадида жойлардаги умумтаълим мактабларида «Мухлислар майдони» лойиҳаси ташкил этилмоқда. 

Мамлакатимизнинг 208 та туман (шаҳар)да белгиланган мазкур мактаблар рўйхати билан ушбу ҳаволада танишишингиз мумкин. 

Футбол томошалари учун барча қулайликларга эга бўлган мазкур мактабларда барча ўқувчилар, ота-оналар ва бошқа юртдошларимиз катта экранлар орқали жаҳон чемпионатидаги футболчиларимиз ўйинларини жонли эфирда томоша қилишлари мумкин. 

Маълумот учун: Ўзбекистон терма жамоасининг жаҳон чемпионатидаги гуруҳ босқич ўйинлари жадвали (Тошкент шаҳри вақти билан) 

- Ўзбекистон — Колумбия (18 июн, соат 7:00); 

- Ўзбекистон — Португалия (23 июн, соат 22:00); 

- Ўзбекистон — Конго (28 июн, соат 4:30)