–  Ассалому алайкум, Иззатилло. Мана бугун сиз ва Ал-Анвар меҳмонхонаси билан танишишга келдик. 

 – Хуш келибсизлар! 

 – Бу меҳмонхона йўналишида неча йилдан буён фаолият юрғизасиз ва бу меҳмонхонада қайси лавозимдасиз? 

 – Иззатилло Умаров бўламан. Меҳмонхона йўналишига ишга кириб келганимга тўрт йил бўлди. Лекин ўқиш билан ҳисоблаб кириб келганимга олти йил тўлди. Бу Ал-Анвар меҳмонхонасида ҳозирда бош менежер вазифасида ишлаб келяпман. Тўрт йил меҳмонхонада ишлаган бўлсам, бир йил ҳар хил лавозимларда ишлаб, бир йилдан кейин бош менежер бўлишни бошлаганман, яъни уч йил бўляпти. 

 – Зўр. Неча ёшдасиз? 

 – 23 ёшдаман. 

 – Энг ёш бош менежерлардан. 

 – Шунақа. 

 – Ал-Анвар меҳмонхонаси нечанчи йил иш фаолиятини бошлади? 

 – Ал-Анвар меҳмонхонаси 2023 йил май ойида меҳмонларга ўз эшикларини очган. Ҳудуди 8 сотихни ташкил этади. Меҳмонхонамиз 70 та номердан ташкил топган. Ҳудудимиз, яъни меҳмонхонанинг ҳудуди 4900 квадрат. Баъзи номерларимиз учта, баъзилари бешта, баъзилари тўртта хонадан иборат. Баъзи бир номерлар бир хонали бўлади, баъзи бир номерлар икки, уч, ундан кўп, мана шунақа. 148 кишини бир вақтда қабул қила оламиз. Тўққизта категориядан ташкил топган. 

 – Қайсилар? 

 – Улар: Standard Twin, Standard Double, балконли Standard хонамиз, яъни Standard Twin with balcony, Standard Double with balcony ёки Deluxe хоналаримиз бор: Deluxe Twin  хонамиз ва Deluxe with balcony, яъни балконли. Ва Superior хонамиз бор: Superior Twin, Superior Double. Ундан ташқари, Family Suite хонамиз бор ва Апартмент номеримиз бор. 

 – Хоналарни кўриб чиқдик, жуда ажойиб ишланган. Ва бу хоналарнинг нархи қанақа ҳозирги кунда? 

 – Меҳмонхонада доим бир хил нарх ушлаб турилмайди. Ушлаб туришнинг иложи ҳам йўқ. Албатта, ўзига яраша нархлар сиёсати бор. Биз бизга қўйилган талабдан бошлаб, нархда ўз таклифимизни билдирамиз. Яъни ҳаммага ҳар хил нарх, талабига яраша нархлар берилади. Агар сиз кўчадан шунчаки келиб нархимизни билмоқчи бўлсангиз, ҳозирда 1,5 миллиондан нархларимиз бошланади. 

 – 1,5 миллиондан тепаси неча пулгача? 

 – 1,5 миллиондан 5,5 миллионгача нархлар берилади. 

 – Мавсумда қанча ўзгариши мумкин? 

 – Мана шу нархимиз мавсуда деярли ўзгартирмаймиз. Бу кўчадан келувчи меҳмонлар учун, яъни wалк-инлар деймиз. Wалк-инларга ўзгармайди. Корпоратив меҳмонларимиз ёки тур фирмалар учун улар билан ўзимизнинг шартномаларимиз бор. Шунга асосланиб ишлаймиз. 

 – Сизларда ҳам бир йил олдин хоналар банд қилинадими? 

 – Албатта, албатта. Баъзи бир ташкилотлар ҳозирдан 2026 йилга ҳам номерларни брон қилиб бўлишган. Биздан номерни сотиб олган меҳмон бир пайтнинг ўзида ҳар қандай солиқлар ичида бўлиб, нонуштамиз нархига киритилган бўлади. Нонуштани кўрдинглар, миллий услубда. Нонуштамиз вақтини – беш кун, яъни душанбадан жумагача 7 дан 10 гача, шанба ва якшанба кунлари меҳмонларнинг яхшироқ дам олишини ҳисобга олиб, 7 дан 11 гача қилиб қўйганмиз. Ундан ташқари, соат эрталаб 7 дан кечки 7 гача СПА зонамиз меҳмонларимизга хизмат кўрсатади. У ҳам нархининг ичида бўлади. Спорт залимизни кўрдингиз, спорт залимиз у 24 соат меҳмонларимиз учун очиқ. У ҳамма харажатларнинг ичида. 

 – Умуман, ёшликдан меҳмонхона соҳасига қизиқиш ўзи бўлганми? Ким қизиқишингизга сабабчи бўлган? 

 – Энди жуда ёшликдан бошланмаган, албатта. Олдин биринчи адвокат бўламан деб ният қилардим. Кейинчалик, шу 16-17 ёшимда меҳмонхона соҳасига қизиқиш бошланган. Акамлар бор, Нурсултон Одилов. Улар Hotel Pro компаниясига асос солган одам. Акам менга маслаҳат берган. 

 – Туризм соҳасини ҳозир қанақа аҳволда деб ўйлайсиз? 

 – Ҳозир, масалан, яхши ва бундан ҳам яхшилашиб боряпти. 

 – Яна яхши бўлиши учун нималар қилиш керак деб ўйлайсиз, ёш мутахассис сифатида?

– Янада яхши бўлиши учун, масалан, биз Ўзбекистон ҳақиқий меҳмондўст халқлигини кўрсатиб бера олишимиз керак. Ўзбекистонга ташриф буюрса, арзийдиган мамлакатлигини кўрсатиб бера олишимиз керак. Ўзбекистонни ўзгача қадриятга эгалигини кўрсатиб бера олсак, менимча, туризмимиз янада ривожланади. Аввало, энг асосийси улар рози бўлиши керак биздан. Ҳар битта бўлимимизнинг ўз менежери бор. Кўпинча менежерлар билан гаплашамиз. Яъни менежментда ўзи шох-шох бўлиб чиқади-да. Масалан, бўлим ишчилари бўлим менежерига, бўлим менежери бош менежерига қараб бошқарув тизими ташкил топган бўлади. Шундан тескарисига юриб, масалан, мен бўлим менежерлари билан гаплашаман. Муаммолар бор ёки йўқлиги ҳал қилинади. Лекин бир ойда бир катта мажлис қиламиз. Унда ҳамма қатнашади ва ҳаммага бўлган, масалан, талаблар бўлса айтилади ва ҳаммадан, кимдандир қанақадир эътироз бўлса, ҳаммадан сўраб олинади. Шунга қараб, уларнинг фикр-мулоҳазалари ўрганиб борилади. Ундан ташқари, уларни, уларга мотиватсия бериш учун ҳар ойда биринчи ҳафтасида ой ишчиси тадбирини уюштирамиз. Тадбирда ўтган ойнинг энг яхши ишлаган ходими тақрибан олинади. Албатта, ҳамма яхши ишлаган бўлади. Уларнинг ичидан қиёслаб олиб, унга ўзимизнинг совғамизни топширамиз. Ҳар ой бўлади. Рағбатлантириш, мотивация бўлади. Ойликдан ташқари. 

 – Ўзбекистонда энг зўр деб билган иккита меҳмонхонани айтиб бера оласизми? 

 – Ўзим кўп меҳмонхоналарда қолмайман. Билмадим, лекин мен учун, аслида, энг ёқадиган, ташқаридан кўрганда ҳам чиройли меҳмонхона Intercontinental, Триллиантнинг ичида, билсангиз. У ёқади. Ундан кейин, албатта, Ҳилтон ёқади. Барибир, ривожланган жойда қурилган шаҳар – Ташкент сити ичида. Иккиси ёқади. 

 – Чет давлатларда бўлдингизми? 

 – Йўқ, ҳали бўлмаганман. 

 – Бўлмагансиз. Бўлишни хоҳлайсиз? 

 – Албатта. Ўзи шу соҳада ишлайдиган одамнинг нияти ҳам барибир бошқа жойларни кўриш бўлади-да. 

 – Ҳозир нечта тил биласиз? 

 – Рус, инглиз, турк тилини биламан. 

 – Зўр, ажойиб. Иззатилло, бундан олдин, яна нечта меҳмонхонада ишладим дедингиз? Қайси меҳмонхоналарда айнан ишладингиз? 

 – Меҳмонхонада иш фаолиятини биринчи иш ўрганиш билан Қўқондан бошлаганман. Қўқонда Silk Road Kokand деган меҳмонхона бор. Ўша ердан бошлаганман. Кейин Тошкентдаги Central Palace меҳмонхонасига ўтганман. У ерда ишлаганман. Кейин Арт Биллур меҳмонхонасига ўтганман. Арт Биллурдан City Line деган меҳмонхонага ўтганман. У ердан Навза Палаcе меҳмонхонасига ўтганман. Навза Палаcедан Арт Билльурга қайтганман. Арт Биллурдан Friday Old City деган меҳмонхонага ўтганман. Ундан Ал-Анварга келганман. 

Кейинги ишларингизда муваффақиятлар тилаб қоламиз.