Сурия хавфсизлик хизматининг собиқ генерали Холид ал-Ҳалабий Австрияда уруш жиноятларида айбланиб судланмоқда. New York Times маълумотларига кўра, у Башар Ассад ҳукмронлиги даврида мухолифларга нисбатан шафқатсиз қийноқлар қўлланган 335-бўлимни бошқарган ва 2011–2013 йиллардаги ваҳшийликларда бевосита иштирок этгани иддао қилинмоқда.

Прокурорлар айбловида яна бир муҳим даъво келтирилган: Ал-Ҳалабий Сурия махсус хизматларига ишлаган ҳолда, бир вақтнинг ўзида Исроилнинг Моссад разведкаси билан ҳам ҳамкорлик қилган. 2013 йилда Суриядан қочган генералга аввал Моссад Парижга етиб боришда ёрдам берган, кейин esa Австрия разведкаси кўмагида уни Венага жойлаштиргани айтилмоқда.

У Европа ҳудудида тўққиз йилдан зиёд вақтини яширин ҳаёт кечириб ўтказган. 2024 йил декабрида унинг Будапештдаги кўприкда тушган сурати терговчиларга ўрнини аниқлашда ёрдам бериб, қўлга олинишига сабаб бўлган. Шу орада, 2023 йилда эса ҳимоя қилганликда айибланган бир неча австриялик фуқаролар ҳам жавобгарликка тортилган.