Кая Каллас: Путин сувдан қуруқ чиқмоқчи
Россия яқин орада урушни тўхтатмоқчи эмас, шунинг учун музокараларни чўзяпти — Европа Иттифоқининг ташқи ишлар ва хавфсизлик сиёсати бўйича олий вакили Кая Каллас шундай фикрда.
«Музокараларни чўзишда давом этаётган Путин сувдан қуруқ чиқмоқчи. У қотилликларни тўхтатиш бўйича ҳеч қандай мажбурият олмасдан, Анкорижни тарк этди. АҚШ Россияни жиддий музокаралар олиб боришга мажбурлашга қодир, ЕИ эса Вашингтон ва Киев билан барқарор тинчликни таъминлаш учун ишлайди. Москва токи урушни давом эттира олмаслигини тушунмагунича, уни тўхтатмайди», — деб ёзди Каллас Х ижтимоий тармоғида.
Каллас Европа Россияга қарши янги — 19-санкциялар пакети орқали Украинани қўллашда давом этишини қўшимча қилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter