Kaya Kallas: Putin suvdan quruq chiqmoqchi
Rossiya yaqin orada urushni to‘xtatmoqchi emas, shuning uchun muzokaralarni cho‘zyapti — Yevropa Ittifoqining tashqi ishlar va xavfsizlik siyosati bo‘yicha oliy vakili Kaya Kallas shunday fikrda.
«Muzokaralarni cho‘zishda davom etayotgan Putin suvdan quruq chiqmoqchi. U qotilliklarni to‘xtatish bo‘yicha hech qanday majburiyat olmasdan, Ankorijni tark etdi. AQSh Rossiyani jiddiy muzokaralar olib borishga majburlashga qodir, YeI esa Vashington va Kiyev bilan barqaror tinchlikni ta’minlash uchun ishlaydi. Moskva toki urushni davom ettira olmasligini tushunmagunicha, uni to‘xtatmaydi», — deb yozdi Kallas X ijtimoiy tarmog‘ida.
Kallas Yevropa Rossiyaga qarshi yangi — 19-sanksiyalar paketi orqali Ukrainani qo‘llashda davom etishini qo‘shimcha qildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter