«Time» журнали йил одамини танлади
«SpaceX» ва «Teslа» компаниялари асосчиси ва раҳбари Илон Маскни «Time» журнали йил одами дея эълон қилди. Бу ҳақда нашрнинг расмий сайтида хабар берилди.
«Бу инсон Ердаги ва эҳтимол, келажакда унинг ташқарисидаги ҳаётга ҳам экстраординар таъсир ўтказиш қобилиятига эга. Иқлим ўзгаришлари экзистенциал инқирози, тенгсизлик муаммоларидан тортиб мумкин нарсаларнинг янги чегараларигача — ҳеч ким бу йилги мавзуларни 2021 йил одами — Илон Маскдек ўзида мужассамлаштирмаган», — деди «Time» бош муҳаррири Эдвард Фелзентал.
Маск шу йил ноябрида бойлиги $300 миллиарддан ошган тарихдаги илк инсонга айланганди.
«Time» 2020 йилда йил одами сифатида бир йўла икки кишини — АҚШ президенти Жо Байден ва вице-президент Камала Ҳаррисни танлаганди. 2019 йилда эса швециялик экофаол Грета Тунберг йил одами бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter