«Ан Наср» Роналдунинг қарзларини тўлади
Ҳужумчи Криштиану Роналду «Ан Наср» машғулотларига қайтди ва Саудия Арабистони чемпионатида «Ал Фотиҳ»га қарши навбатдаги ўйинда иштирок этиши мумкин.
A Bola нашри хабарига кўра, португалиялик футболчи ва клуб ходимларининг маош бўйича қарзлари тўланган.
Эслатиб ўтамиз, машҳур футболчи жамоасининг сўнгги икки ўйинида майдонга тушмаган эди. У Саудия жамғармаси (PIF)нинг фаолиятидан норозилик билдирган эди. Роналдуга кўра, фонд «Ан Наср»га етарлича сармоя киритмай, рақиби «Ал Ҳилол»га устунлик бермоқда.
«Ан Наср» 20 та ўйиндан сўнг 49 очко тўплаб, чемпионат жадвалида иккинчи ўринда турибди ва «Ал Ҳилол»дан бир очко ортда қолмоқда.
Аввалроқ Роналдунинг бойкотидан Саудия Пролигаси 2,4 млрд доллар зарар кўргани хабар қилинганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter