УЕФА Чемпионлар лигаси 2025/2026 йилги мавсумининг умумий босқичи ўз якунига етди. 29 январга ўтар кечаси бўлиб ўтган 8-тур баҳсларидан сўнг нимчорак финалга тўғридан-тўғри йўл олган ва плей-оффда иштирок этадиган жамоалар номи маълум бўлди.

8-турнинг муҳим воқеалари:

«Бенфика» — «Реал Мадрид» — 4:2: Турнинг энг шов-шувли натижаси Лиссабонда юз берди. Мадридликлар мағлубият сабабли кучли саккизликдан пастга тушиб кетишди, лиссабонликлар эса сўнгги дақиқада дарвозабони киритган гол ва тўплар нисбати (-2)га кўра плей-оффдаги энг сўнгги йўлланмага эга бўлишди.

«Ливерпул» — «Қорабоғ» — 6:0. Мерсисайдликлар ўз майдонларида рақибни тор-мор келтириб, турнир жадвалининг юқори қисмидаги ўринларини мустаҳкамлашди, қорабоғликлар плей-оффда курашни давом эттиради.

«Барселона» — «Копенгаген» — 4:1. Каталонияликлар ишончли ғалаба билан кейинги босқич масаласини ижобий ҳал қилишди.

«Арсенал» — «Қайрат» — 3:2. Лондон клуби қийинчилик билан бўлса-да, гуруҳ босқичини ғалаба билан тугатди ва турнирдаги барча 8 ўйинда жами 24 очко тўплади.

«Наполи» — «Челси» — 2:3. Ўз майдонида ўйинни бой берган неаполликлар турнир билан хайрлашишди.

«Атлетико» — «Будё-Глимт» — 1:2. «Грандлар кушандаси» — «Будё-Глимт» Мадридда қўлга киритилган уч очко билан плей-оффга йўл олди. 

8-тур натижалари:

• Аякс — Олимпиакос 1:2
• Арсенал — Қайрат 3:2
• Монако — Ювентус 0:0
• Атлетик — Спортинг 2:3
• Атлетико — Будё-Глимт 1:2
• Байер — Вилярреал 3:0
• Боруссия Д — Интер 0:2
• Брюгге — Олимпик М 3:0
• Айнтрахт — Тоттенҳэм 0:2
• Барселона — Копенгаген 4:1
• Ливерпул — Қорабоғ 6:0
• Манчестер Сити — Галатасарой 2:0
• Пафос — Славия 4:1
• ПСЖ — Нюкасл 1:1
• ПСВ — Бавария 1:2
• Юнион — Аталанта 1:0
• Бенфика — Реал 4:2
• Наполи — Челси 2:3

Умумий босқич якуний жадвали

Турнир жадвалида 1–8-ўринларни эгаллаган жамоалар тўғридан-тўғри 1/8 финалга йўл олди (улар орасида Абдуқодир Ҳусанов тўп сураётган «Манчестер Сити» ҳам бор).

9-24-ўринларни эгаллаган жамоалар («Реал Мадрид», «Интер», «ПСЖ» ва бошқалар) феврал ойида икки ўйиндан иборат плей-офф баҳсларида нимчорак финалнинг қолган 8 та йўлланмаси учун курашади. Плей-офф босқичи учун қуръа ташлаш маросими 30 январ куни бўлиб ўтади.

Жадвалнинг қуйи қисмида қолган жамоалар учун еврокубоклар мавсуми якунланди. Улар орасида «Марсел», «Наполи», «Аякс» каби шонли номлар бор.