Samarqandda imom-xatiblar o‘rtasida sport musobaqalari o‘tkazildi
Samarqand viloyatida imom-xatiblar o‘rtasida sog‘lom turmush tarzini targ‘ib etuvchi sportning shaxmat, shashka, stol tennisi va voleybol turlari bo‘yicha musobaqa bo‘lib o‘tdi.
Tadbirni viloyat hokimi o‘rinbosari B.Karimov ochib berdi. Tadbirda viloyat bosh imom-xatibi o‘rinbosarlari X.Sattarov, N.Abdumannonov, shahar va tuman bosh imom-xatiblari hamda jamoatchilik vakillari ishtirok etdilar.
Tadbir avvalida Davlat madhiyasi yangrab, ishtirokchilarda Vatanga muhabbat, yuksak ruh va mas’uliyat tuyg‘ularini mustahkamladi.
Qizg‘in, biroq o‘zaro hurmat va axloq qoidalariga amal qilingan holda o‘tgan musobaqalar yakunida g‘olib va sovrindorlar tashkilotchilar tomonidan esdalik sovg‘alari bilan taqdirlandi.
Ushbu tadbir diniy xodimlar uchun nafaqat jismoniy baquvvatlikni, balki sabr, intizom, birodarlik va o‘zaro hurmat kabi islomiy fazilatlarni yanada mustahkamlashga xizmat qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter