O‘zbekistonda OVIR bekor bo‘ladi, ikki turdagi pasport va ID-karta joriy qilinadi
![O‘zbekistonda OVIR bekor bo‘ladi, ikki turdagi pasport va ID-karta joriy qilinadi](https://xabar.uz/static/crop/1/3/920__95_1375023576.jpg)
Normativ huquqiy hujjatlarning muhokamasi portalida O‘zbekiston Respublikasida pasport tizimini yanada takomillashtirish chora-tadbirlari to‘g‘risidagi qaror loyihasi muhokamaga qo‘yildi. Unda mamlakatimizda uchta hujjatni: mamlakat ichidagi biometrik pasport, chetga chiqish uchun biometrik pasport va ID-kartani joriy qilish taklif etilmoqda.
Qayd etish lozimki, qaror loyihasida 2019-yilning 1-yanvaridan xorijga chiqish uchun ruxsatnomani (stiker) rasmiylashtirish bekor qilinishi ko‘zda tutilgan. Uning o‘rnini xorijga chiqish uchun alohida biometrik pasport egallaydi.
Hujjatga ko‘ra:
- O‘zbekiston fuqarosining biometrik pasporti — O‘zbekiston hududida shaxsni tasdiqlovchi hujjat. Shuningdek, u elektron axborot tashuvchi (chip)ga ega bo‘lib, O‘zbekiston fuqaroligini ham tasdiqlaydi;
- chet elga chiqish uchun biometrik pasport — O‘zbekiston Respublikasi fuqaroligini va uning egasi shaxsini xorijga chiqish va mamlakat hududiga kirish chog‘ida tasdiqlovchi hujjat;
- identifikatsion elektron karta (ID-karta) — o‘z egasining shaxsini mamlakat hududida tasdiqlovchi hujjat. U fuqaroning yagona identifikatsiya raqamini, uning shaxsiy ma’lumotlarini o‘z ichiga olib, davlat xizmatlaridan foydalanishda shaxsni aniqlash uchun qo‘llaniladi.
Chet elga chiqish uchun biometrik pasport fuqarolarga quyidagi amal qilish muddati bilan beriladi:
- Tug‘ilgan kunidan bir yilgacha — ikki yil muddatga;
- Bir yoshdan 16 yoshgacha — 5 yillik muddatga;
- 16 yoshdan kattalarga — 10 yil muddatga.
Loyiha o‘zgartirilishi, unga qo‘shimcha kiritilishi yoki rad etilishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter