Kecha 10-noyabr kuni Ukraina mudofaa vaziri Aleksey Reznikov Rossiya o‘z qo‘shinlarini Xersondan olib chiqish uchun kamida bir hafta vaqt ketishini aytdi.

Vazir Aleksey Reznikov Reyter agentligiga bergan intervyusida Xerson viloyatidagi Rossiya harbiy guruhi hozirda 40 mingga yaqin kishini tashkil etishini ta’kidlagan. Hozirda Rossiya armiyasi Xerson shahrining atrofida va Dnepr daryosining o‘ng qirg‘og‘ida joylashgan.

«Bu qo‘shinlarni Xersondan bir-ikki kun ichida olib chiqib ketish unchalik oson emas. Hech bo‘lmaganda bir hafta kerak bo‘ladi», deydi Ukraina mudofaa vaziri.

Reznikovning ta’kidlashicha, bunday olib chiqish orqali har ikki tomon kuchlarini boshqa hududlarda jang qilish uchun yo‘naltiradi. Uning aytishicha, Rossiya o‘z kuchlarini so‘nggi bir necha oy ichida qisman bosib olingan qo‘shni Zaporoje viloyatida ham kuchaytirishi mumkin.

Vazir Aleksey Reznikov qo‘shimcha qilishicha, qish fasli janglarni sekinlashtirib, har ikki tomonni qayta yig‘ish imkoniyatini beradi.

«Qish har ikki tomonning jang maydonidagi har qanday faolligini sekinlashtiradi. Bu hamma uchun foydali. Nafas olishingiz mumkin», – deydi u.