Доминиканинг БМТдаги доимий ваколатхонаси элчиси Паоло Дзамполли ФИФА раҳбари Жанни Инфантинодан Эрон терма жамоасини жаҳон чемпионатидан четлатишни сўради. Форслар ўрнига Италия терма жамоаси Қатарга боргани маъқул, деди у.

Эрон жамиятидаги инқироз глобал кун тартибдан ўрин олди. Футболга боғлиқ томонлари: аёллар стадионларга киритилмаяпти, айрим футболчилар давлат томонидан таъқиб қилинаётгани ҳақида хабарлар бор.

Дзамполлининг фикрича, «бутун дунё жаҳон чемпионатида италянларнинг инглизларга қарши тўп суришини орзу қилади».

Эслатиб ўтамиз, Эрон жаҳон чемпионати финалининг B гуруҳида Англия, АҚШ ва Уэлс билан бир гуруҳда ўйнайди. ЖЧ йўлланмасини ололмаган Италия эса мундиалдан қуруқ қолган жамоалар орасида рейтинги энг баланди.

Эронлик айрим футболчилар ҳам (мамлакатдаги воқеалар фонида) терма жамоани мундиалдан четлатишни сўрашганди. Энди эса исм-шарифи италянча доминиканалик элчи швейцариялик миллатдошидан Италия терма жамоасигага йўлланма беринг, деяпти.