«Tesla» 2021-yilda ishlab chiqarganidan ko‘proq elektromobil sotdi
«Tesla» kompaniyasi 2021-yilda mijozlariga 936 172 ta elektromobil sotdi. O‘ziga xos rekord haqida kompaniya matbuot xizmati xabar berdi.
O‘tgan yili «Tesla» mashinalari savdo ko‘rsatkichi 87 foizga oshdi. Mashinalarning qariyb uchdan bir qismi (308 600 dona) yil oxirida — oktyabr–dekabr oylarida sotildi.
2021-yilda kompaniya ishlab chiqarganidan ko‘ra ko‘proq mashina sotdi — shu yili jami 930 422 dona mashina zavod konveyerlaridan chiqqan. Sotilgan mashinalarning salkam 6 mingtasi oldingi yillarda ishlab chiqarilgan.
«Tesla» sotuvlar bo‘yicha oldingi rekordni 2020-yilda o‘rnatgandi — 499 647 ta mashina.
«Tesla» jamoasi butun dunyo bo‘ylab ajoyib ishladi!», — yangi rekordni kompaniya egasi Ilon Mask o‘z twitter-akkauntida shunday baholadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter