Pokistonda mikroavtobus 11 kishining hayotiga zomin bo‘ldi
Pokistonda mikroavtobus avtobus bilan to‘qnashishi oqibatida 11 kishi halok bo‘ldi va 7 kishi jarohatlandi. «Sinxua» AA xabar berishicha, baxtsiz hodisa mamlakat shimoli-g‘arbidagi Haybar-Paxtunxva viloyatida, Svat tezyurar yo‘lida yuz bergan.
Qutqaruvchilar va avtomagistral politsiyasi bergan ma’lumotda esa fojia Ismoila yo‘l ayirgichi yaqinida sodir bo‘lgani aytiladi — mikroavtobus to‘xtab turgan avtobusning orqasidan kelib urilgan. Avtobus Karachidan Bunerga, mikroavtobus Ravalpindidan Dirga ketayotgan bo‘lgan.
Dastlabki surishtiruvga ko‘ra, halokat mikroavtobus haydovchisining ehtiyotsizligi oqibatida kelib chiqqan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter