3 июн куни Ер аҳолиси камёб астрономик ҳодисага гувоҳ бўлади
Астрономлар 3 июнь куни бўлиб ўтадиган «сайёралар паради» ҳақида эълон қилишди. Бундай ҳодисалар ҳар 20 йилда бир марта содир бўлади, деб ёзади «ТАСС».
Тўртта сайёра: Венера, Юпитер, Меркурий ва Уран бир-бирига яқин жойлашган. Улар Қуёш яқинидаги 20-30 даражали секторда бўлади. Бироқ, бу ҳодисани ёрқин кундузги осмонда кузатиш имконсиз бўлади, шунинг учун сайёралар парадини кўринмас деб аташ мумкин.
Москва планетарийси аниқлик киритишича, 3 июнь куни барча сайёралар Қуёшнинг бир томонида қуйидаги тартибда жойлашади: Қуёш, Венера, Юпитер, Меркурий, Уран, Марс, Нептун ва Сатурн. Улардан фақат Сатурн осмон мусаффо бўлса, қуёш чиқишидан олдин уфқда жуда пастда қисқача кўринади. Шунингдек, сайёраларга Марсдан унчалик узоқ бўлмаган сўниб бораётган Ой ҳам «қўшилади».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter