Испанияда уч кун ичида иккинчи поезд ҳалокати юз берди
Испаниянинг Барселона провинциясида 20 январ куни маҳаллий вақт билан соат 21:02 лар атрофида йўловчи поезди қулаган девор билан тўқнашиб, издан чиқиб кетди. El Mundo хабар беришича, поезд машинисти ҳалок бўлган.
Ҳодиса оқибатида камида 37 киши жароҳат олган, улардан беш нафари оғир аҳволда.
Кўп ёмғир ёғиши оқибатида қулаган девор темир йўлда қатновлар узилишига олиб келди. Воқеа жойида қутқарувчилар иш олиб бормоқда.
Бу Испанияда уч кун ичида юз берган иккинчи поезд ҳалокати. 18 январ куни тезюрар поезд издан чиқиб, қарама-қарши йўлдан келаётган бошқа поезд билан тўқнашиши оқибатида 42 киши ҳалок бўлган, 484 йўловчи жароҳатланганди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter